Եթե ես կրկին պարեմ
Արմենը արդեն երկու տարի է, ինչ գամված է անվասայլակին։
Պատերազմի ժամանակ ստացած վնասվածքից հետո հաջողվել է փրկել նրա կյանքը, սակայն նա
մնացել է հաշմանդամ՝ գամված անվասայլակին։ Պատկերասրահում մեծ հեռանկարներ ունեցող
երիտասարդը կորցնում է իր մասնագիտությամբ զբաղվելու հնարավորությունը։ Արմենն այլևս
կյանքի մեջ իմաստ չի տեսնում․ հիասթափվել է ամեն ինչից։ Նրանից հեռանում է սիրելի
աղջիկը, որի հետ մինչ պատերազմը համատեղ կյանքի պլաններ էին կազմել։
Արմենի բնավորությունը գնալով ավելի է բարդանում։ Խնամակալները նրա հետ չեն կարողանում
ընդհանուր լեզու գտնել։ Հերթական խնամակալը դառնում է Անաիսը, և նրանց պատմությունը
զարգանում է լրիվ այլ ուղղությամբ։
Անաիսը ուսանողուհի է, ով շտապ աշխատանք է փնտրում ֆինանսական կարիքները հոգալու
համար։ Իմանալով, որ Արմենի հերթական խնամակալ-բուժքույրը դուրս է եկել աշխատանքից և
նոր մասնագետ են փնտրում, Անաիսը դիմում է այդ աշխատանքի համար՝ չունենալով ոչ փորձ, ոչ
էլ համապատասխան կրթություն։ Արմենի մայրը դժվարությամբ, բայց համաձայնում է նրան
շանս տալ՝ հուսալով, որ կյանքին այլ, տարբերվող հայացքով նայող այս աղջիկը կարող է տղայի
հետ ընդհանուր լեզու գտնել։
Անաիսի և Արմենի առաջին հանդիպումը ծանր է լինում։ Արմենը բացասաբար է ընդունում նոր
խնամակալին։ Բայց Անաիսը համառ է․ գումարի կարիք ունի, պետք է դիմանա։ Միևնույն
ժամանակ, Անաիսի մտերիմ ընկերը խոստովանում է իր զգացմունքների մասին։ Թվում է՝ ամեն
ինչ գնում է դեպի կայունություն, սակայն Անաիսի և Արմենի միջև քիչ-քիչ առաջանում է
համակրանք, որը վերաճում է սիրո։ Երկուսն էլ կանգնած են բարդ ընտրության առաջ։ Արմենը չի
ցանկանում լինել բեռ Անաիսի կյանքի մեջ, իսկ Անաիսը վստահ չէ, արդյոք իր զգացմունքները
փոխադարձ են։

Գլխավոր պրոդյուսեր՝ Ռոբերտ Օղլախչյան
Պրոդյուսեր՝ Սերգեյ Հայրապետյան
Ռեժիսոր՝ Հայկ Վարդանյան
Սցենարիստ՝ Անի Մաղաքյան
Դերերում՝
Էլեն Սաֆարյան
Րաֆֆի Գալստյան
Յուլիյա Ֆինկ
Արման Ղազարյան
Նարեկ Ղարիբյան
Հայկ Պետրոսյան
Հովհաննես Զիրոյան
Սևակ Սանթրոսյան
Տաթև Ղարիբյան
Աննա Մանուչարյան
Լիլիթ Բադանյան
Մարտին Բաբախանյան
Սոֆի Թովմասյան